زوجي العصبي

زوجي العصبي

زوجي اول ما يدخل من باب البيت بيكون مش عاوز يسمع صوت ولو حد من الاولاد عمل دوشة يبدا يزعق ويتخانق اتعامل معاه ازاي

زوجات كثير بتشتكي من عصبية الزوج وخاصة بعد رجوعه من الشغل الام ربنا يكون في عونها بتكون قاعدة مع اولادها طول اليوم .. الاول ينادي ماما فين المراسة بتاعتي .. والصغير يزن ماما عاوز حمام .. ولو في طفل اصغر ثالث .. بتكون عايشة في سرك .. وفوق ده كله شغل البيت والطبيخ .. الزوج طول اليوم خارج البيت في الشمس ودرجات الحرارة العالية .. غير طبيعة شغله الي محتاجة مجهود وتركيز .. غير زحمة الطريق والمواصلات الام بتكون منتظرة الاب عشان تشتكي من ضغط الاولاد الي جننوها .. الاب منتظر يرجع البيت بفارغ الصبر عشان يرتاح من حرارة الشمس واجهاد اليوم .. كل الي بيكون محتاجه هو الراحة و الاستجمام بعد يوم عمل طويل .. والام كمان بتكون محتاجة لنفس الراحة ومن هنا نلاقي زوج مضغوط و زوجة مضغوطة .. محتاجين للراحة .. تيجي الزوجة تطلب من الزوج انه يشيل الاولاد عنها شوية او على الاقل يسمع شكوتها .. الزوج المضغوط ينفجر ويتعصب الحل ايه ؟!! سيبي زوجك يرجع البيت يرتاح شوية .. ياكل .. ينام .. وعلى اخر اليوم اتكلمي معاه حيسمعك طيب انت بقى يا ام تتخلصي من ضغوطك ازاي ؟!! محتاجة انت كمان تفصلي شوية عن الاولاد .. لما تحسي انك مضغوطة .. سيبي مل حاجة في ايدك وخدي نص ساعه راحة طبعا حتقولي والاولاد ؟ الاولاد حندربهم ان ماما داخلة تنام نص ساعه بس ومحدش يخبط عليها .. ولو حد دخل واتكلم ماترديش عليه بصفتك نايمة مع الوقت يتعلموا الاولاد احترام خصوصيتك واي طلب محتاجينه ممكن يتأجل بعد النص ساعه دي ارجعي لحياتك الطبيعية بطاقة افضل وتحسي انك من حقك تاخدي راحة وتفصلي شوية .. ده حيخفف الضغط عنك شوية