مس جن ولا مرض عقلي

مس جن ولا مرض عقلي

ابني فجأة صوته بيتغير ويتكلم بصوت غريب والاقي شكله بيتغير .. بنتي قاعدة بتكلم حد و بتقول انها شيفاه وبيكلمها .. زوجتي بتحس ان في حد بينام معاها بليل .. او في حاجة بتمشي تحت جلدها .. يا ترى ده مسجن ولا مرض عقلي

في سلوكيات غريبة بنلاحظها على بعض الناس .. اي سلوك غريب عننا اول حاجة بنفكر فيها هي السحر والمس والحسد لان هي دي الثقافة الي اتربينا عليها واول حاجة الناس تروح لواحد بيسمعوا انه شيخ او بيطلع المس المصيبة ان الي بيحصل عند الشخص ده اغرب من الي بيعاني منه المريض لما الشخص ده يقول للزوج زوجتك ملبوسة بجن عاشق وعشان اخرجه لازم انام معاها !!!!! هنا ده مش علاج .. ده ..... ولما واحد ثاني يفضل يضرب في بنت صغيرة بعصاية لحد ما البنت تموت وفي وجود الاب !!!!!! في الطب النفسي في اضطراب اسمه الفصام في الاضطراب ده بيحصل اضطراب في المخ نتيجة نقص او زيادة هرمونات محددة بيخصل للمريض حاجتين حاجة اسمها ضلالات زي الي يقول انا النبي او انا رئيس الجمهورية .. ودي بنسميها ضلالات عظمة يعني فكرة خاطئة لكن المريض متاكد منها ومهما تناقشه مش حتقدر تغيرها ابدا لو فكرة خاطئة هو شاكك فيها او بيقاومها هنا بتكون وسواس قهري النوع الثاني من الضلالات الي هي فيها اضطهاد .. نلاقي المريض ماياكلش او يشرب من ايد حد خايف يكون الاكل فيه سم او يتخانق مع الناس ويقول انهم عاملين مؤامرة عليه فيه نوع ثالث من الضلالات الي هيا ضلالات الاشارة الواحد يقول ان المذيع في التلفزيون بيكلمني او ان الناس في الشارع بتتكلم عليا او بتشاور عليا او بتضحك عليا او الناس مركبة كاميرات في البيت والحمام ويستحمى وهو لابس هدومه العرض الثاني للفصام اسمه هلاوس هلاوس سمعية زي ان المريض يسمع حد بيكلمه ويرد عليه وبيكون هو بيسمع الصوت ده فعلا مش مجرد افكار في دماغه الهلاوس البصرية بيكون المريض بيشوف ناس فعلا وهو بس الي شايفهم كل ده يدخل تحت الفصام وفي اضطرابات ثانية زي الهوس ليها اعراض مشابهه ارحموا اولادكم وزوجاتكم بعرضهم على طبيب نفسي وابعدوا عن الناس الي بتدعي ان المريض ممسوس او مسحور وافتكروا دائما حديث الرسول عليه الصلاة والسلام لو اجتمعت الانس و الجن على ان يضروك بشيء لن يضروك الا بشيء قد كتبه الله لك