اكتئاب ما بعد الولادة

اكتئاب ما بعد الولادة

كثير من الزوجات بعد الولادة واحيانا قبل الولادة بشهرين او ثلاثة بيجيلهم حالة من الاكتئاب بيتغير فيها مزاجهم والي حواليهم مش بيكونوا واخدين بالهم ان ده اكتئاب

اكتئاب ما بعد الولادة من الاضطرابات الي بتحصل كثير للزوجات سواء بعد الولادة او قبل الولادة بشهرين او ثلاثة في الوقت ده الاسرة مش بتكون واخدة بالها ان دي اعراض اكتئاب .. بيكونوا شايفين مثلا ان الام قلقانة من تحمل المسئولية فيقعدوا يشجعوها بالكلام او يقولوا انها بتدلع .. لكن في الحقيقة هي بتكون عندها اعراض اكتئابية وهي مش عارفة تتخلص منها الاكتئاب بيخلي حالتها المزاجية حزينة .. عندها شعور بالذنب من غير سبب حقيقي.. شعور باليأس ان الحياة ملهاش قيمة .. وبتحس ان الحياة صعبة وحمل كبير عليها واوقات كثير تفكر الام في الانتحار عشان تخلص من الحياة .. لكن بتشوف ان في طفل موجود هي مسئولة عنه .. وهنا بتحس بالمسئولية اكثر .. ونتيجة اكتئابها فالتفكير عندها فيه مشكلة .. فتفكر انها تقتله وتخلص منه وتخلص من حياتها في نفس الوقت وكده محدش يتعذب في الحياة دعم الزوج مهم جدااااا في الوقت ده وخاصة ان الزوجة الي بتتعرض للنوع ده من الاكتئاب بتكون عندها نقص في الاهتمام من وهي صغيرة .. دعم الزوج حيساعدها جداا لكن انشغال الزوج عنها حيحسسها بالاهمال وتزيد الاعراض ضروري جدااا لو لاحظنا الاعراض دي زيارة طبيب نفسي عشان نعالج المشكلة المشكلة دي ممكن تاخد من 3 شهور ل 3 سنين في حالة ان المريض ما اخدش علاج