اضطراب فرط الحركة وتشتت الانتباه ‏( ADHD )

اضطراب فرط الحركة وتشتت الانتباه ‏( ADHD )

ابني مابيعرفش يقعد في مكانه وكل يوم بينسى ادواته في المدرسة ومش بيعرف يركز خالص

( ADHD ) اضطراب فرط الحركة وتشتت الانتباه ‏ يعني ايه الاضطراب ده؟ أنا ابني شقي وبيتحرك كثير أنا كده ابني عنده فرط حركة؟ ابني بينسى كثير .. ذاكرة سمكة.. كده ابني عنده تشتت انتباه؟ مهم اننا نفرق بين شقاوة الطفل العادية والاضطراب وكمان نفرق بين اضطراب فرط الحركة وان الطفل يكون عنده اضطراب ثاني زي القلق و الاكتئاب . طيب حنفرق بينهم ازاي؟ عشان الطفل يكون عنده اضطراب فرط الحركة وتشتت الانتباه لازم يكون عنده 6 اعراض من 9 مستمرة لمدة 6 شهور على الاقل وكمان يكون المشكلة موجودة في البيت وخارج البيت المصاب بنقص الانتباه يقوم بأخطاء غير اعتيادية يغلط في حل الواجب في حاجات هو عارفها كويس بس عشان هو مش مركز مش بيعرف يكمل المهمة لآخرها .. لازم الام تفكره كذا مرة لما الام تطلب منه كذا طلب مع بعض يعمل واحد او اثنين وينسى الباقي طفل مهمل بيضيع حاجته طول الوقت لا يصغي للتعليمات او الاوامر ويفقد الانتباه بسهولة يتشتت انتباهه بسرعه من المثيرات الي حواليه الام تفضل تنادي عليه كثير وتقول مش بيرد غير لما ازعق وصوتي يعلى ممكن الام تطلب منه يعمل حاجه وعلى ما يروح يعملها يرجع يسئل الأم انت كنت طلبتي ايه ؟ يفضل وقت كبير بيذاكر في نفس الصفحة ومش بيقلبها لانه مش مركز وسرحان بينسى كثير المصاب بفرط الحركة يخرج عدد من المرات من الفصل في نفس الحصة متململ .. يفرك وهو في مكانه يحصل له حوادث بسبب فرط الحركة او الاندفاعية مايعرفش يقعد ساكت في مكانه غير لو معاه تلفون بيلعب عليه مايعرفش يكون منظم مهمل طول الوقت مايعرفش ينظم وقته بيتكلم بسرعة و كلامه مش مرتب مش بيعرف يستنى دوره دائما بيقاطع الي بيتكلم بيجاوب على الاسئلة قبل انتهائها ده جزء من الاعراض .. المهم زيارة طبيب نفسي لتقييم الحالة بوضوح العلاج بعض الحالات العلاج الدوائي بيكون فعال جدا في تقليل الحركة وزيادة الانتباه العلاج السلوكي مهم جدا في تعديل سلوك الطفل والأسرة الاضطراب لو ما اتعالجش يستمر في المراهقة والشباب ويكون اعراضه عصبية واندفاعية تسبب تدهور في العلاقات الاجتماعية و فشل وظيفي اجهزة الكمبيوتر والموبايل ليها دور في زيادة الاضطراب بسبب تأثير الاشعة الي بتخرج من الاجهزة الالكترونية على دماغ الاطفال الكافيين احيانا يعمل هدوء وتركيز او فرط حركة عشان كده بننصح الامهات انها تخلي ابنها يشرب كاكاو قبل المذاكرة وتشوف تأثيره على الابن السكريات من الحاجات المهمة انه يبتعد عنها الطفل الي عنده فرط حركة لانها بتزيد من فرط الحركة بشكل كبير المدارس المفروض يعملو وقت اضافي لطلاب تشتت الانتباه في الامتحانات عشان يظهرو قدراتهم ويقدرو يجاوبو صح لان معندهمش السرعة الكافية في الحل الرياضة بتهدئ الاعصاب وتقلل التوتر وتساعد على زيادة التركيز، عشان كده هي مهمة جدا في حالات فرط الحركة وتشتت الانتباه لانها حتساعدهم على اخراج الطاقة الحركية الي جواهم وكمان بتساعد على التخلص من القلق والتوتر الي بيأثر على الانتباه بشكل سلبي وحتساعدهم على الشعور بالراحة والاسترخاء والشعور بالانجاز والثقة بالنفس نتيجة نجاهم في ممارسة نشاط محبب ليهم .