بنتي اتعرفت على شاب على الفيسبوك و كان بيمثل عليها الحب لحد ما طلب منها !
الحب الالكتروني
بعد انتشار الموبايلات في عمر صغير جدااا بين الاطفال .. بدأنا نلاحظ ان في بنات بتعيش قصص حب وهمية من خلال الفيس بوك او انستجرام وغيره
المشكلة ان ده بيحصل ابتداء من ابتدائي واعدادي .. بعد ما كان بيبدأ من الثانوي وفترة المراهقة
بنات صغيرة في السن معندهاش وعي ولا نضج كافي
شباب عندهم فراغ وعاوزين يلعبوا ويتسلوا وينبسطوا شوية
تلفزيون وانترنت بيعرض لفيديوهات ومسلسلات فيها مشاهد مثيرة للشباب .. غير اللبس شبه العاري لبعض الممثلات والي بيسبب اثارة لبعض الذكور .. ويعلم البنت ان الوضع ده طبيعي او ان دي الموضة ان الواحد يلبس بالشكل ده
مفيش مدرسة بقت تعلم قيم ولا اخلاق
الام والاب مشغولين عن اولادهم .. مفيش تربية ولا تعليم قيم ولا تعليم دين ولا اخلاق
الشباب والبنات كل الظروف حواليهم بتشجعهم على التسلية من الشباب
والبنت محتاجة للاحتواء والاهتمام والشعور بانها مهمة ومحبوبة
فيتلاقوا على الفيس بوك عشان كل طرف فيهم يعمل اشباع لاحتياجات الاخر
الشاب عارف ازاي يدخل للبنت ويحسسها بالاهتمام .. يفضل يسمعها في الاول
لانها محتاجة لحد يسمعها .. وبعدها يدخل في كلام الحب .. وبعدين نفسي اشوفك ابعتي صورة .. لو بتحبيني حتسمعي كلامي
يبدأ في الابتزاز العاطفي .. لو بتحبيني .. لو بتثقي فيا ..
تبعت الصورة .. وبعدها ندخل في مرحلة المساومة .. اعملي كذا والا حفضح صورك وانشرها على الانترنت
ولو رفضت صورها تتوزع على شلة اصدقاء ويبدء اكثر من حد يبتزها .. اشمعنى فلان عملت معاه كذا .. انا كمان عاوز ..
او ندخل في مساومة على فلوس
نقدر نحمي بناتنا من كل ده بتوفير شوية وقت عشان نسمعهم .. نحسسهم بالحتواء والاهتمام المطلوب .. الام تصاحبها والاب يكون قريب منها .. يشبع احتياجها للسند والحب والامان
اما الشباب محتاجين لاسرة تهتم بتربية انسان محترم .. مؤدب .. عنده اخلاق وتدين .. وتربي عنده الضمير والخوف من ربنا وتحمل المسئولية
لا توجد تعليقات