العلاج النفسي مش بس دواء .. اعرف اكثر عن جلسات العلاج السلوكي المعرفي
ناس كثير ماتعرفش يعني ايه جلسات علاج سلوكي معرفي وايه اهميتها
في حالات مرضى الاكتئاب او القلق او الوسواس القهري او الادمان او تعديل سلوك الاطفال والمراهقين .. المشاكل الزواجية .. كل المجالات دي بنستخدم فيها علاج سلوكي معرفي
طيب العلاج ده بنعمل فيه ايه ؟
في العلاج الدوائي المريض بياخد الدواء فمزاجه يتحسن لكن المشاكل الي في حياته لسه موجودة ما اتحلتش
هنا يجي دور الجلسات الكلامية
نسمع مريض القلق والاكتئاب ونشوف ونعرف ايه الضغوط الي مروا بيها في حياتهم .. ونساعدهم ازاي يتعاملوا معاها بشكل صحي ..نشوف نظرتهم لنفسهم ونعمل تنمية لمهارة الثقة بالنفس .. نشوف اخطاء التفكير ونشتغل على تعديلها .. نعلم المريض ازاي يسترخي وازاي يستمتع بحياته
مريض الوسواس بنعلم نفس الحكاية بس نزود عليها انه بيتعلم ازاي يوقف الافكار والسلوكيات الوسواسية .. وازاي تكون شخصيته مرنة
المشاكل الاسرية ومشاكل الاطفال والمراهقين مع الاباء او مشاكل الزوجة مع زوجها
بنسمع المشكلة سواء من الطرفين او من طرف واحد حسب المتاح .. ونعلم الشخص ازاي يتعامل في حياته بشكل صحيح
لا توجد تعليقات