لو نومك اتلخبط .. هتتنفخ .. حرفيا 
و تعالي أقلك الدليل
انت بتتخن عشان ما بتنامش كويس , و بتقوم تاكل في نص الليل عشان مش بتنام كويس أصلا ….
في هرمونين ماحدش بيتكلم عنهم كتير و العمل ما بقاش يتكلم عنهم االا مؤخرا في عالم النوم , بيبوّظوا نومك… وبيبوّظوا أكلك كمان
Leptin & Ghrelin
إنت ممكن تبقى فاكر إن قلة النوم بتعمل إرهاق و بتأثر علي مناعتك و قرارتك بس وبس… ده حقيقي لكن الحقيقة إن جسمك بيفتح فيك وحدة طوارئ هرمونية أول ما نومك يلخبط.
أول بطلين في موضوع الاكل ده:
Leptin و Ghrelin.
الـ Ghrelin: ده اللي بيفتح نفسك عالأكل. كل ما يزيد… جوعك يزيد.
الـ Leptin: ده العكس، هو اللي يقول لمخك “خلاص كفاية أكل”.
باختصار جامد أوي من دراسات كتير , لما نومك يقل , الLeptin الهرمون بيقفل الشهية يقل , و اللي بيفتحها Ghrelin يزيد .. زي الرسم البياني كده اللي في الصورة .
لما نومك يتلخبط، يحصل الآتي:
الـ Ghrelin يعلى → فتح شهية مفاجئ، وللأسف بيبقى ناحية الحاجات اللي فيها دهون وسكر أكتر.
عارف كمان الهرمون ده بيلخبط النوم , و بيساعد انك تصحي , فيصحيك في نص الليل تقوم تفتح التلاجة تخلص صينية المكرونة بشامل اللي اتبقت من الغدا
الـ Leptin يقل → يعني الإشارة اللي بتقول “شبعت” تختفي… فتفضل تاكل من غير ما تحس.
النتيجة؟
جسمك يتعامل كإنك في “وضع مجاعة”، فيبدأ يخزن دهون أكتر… ومع الوقت الوزن يعلى حتى لو أكلك مش كبير زي ما كنت فاكر.
ده غير إن اضطراب الهرمونين دول مرتبط كمان بزيادة الـ Insulin resistance ومعاه المزاج يبقى أسوأ، وطاقتك أقل.
بمعنى تاني:
تصليح دورة نومك نومك = تصليح دورة شهيتك + مزاجك + طاقتك.و تعرف تخس بعد كده
