انا ابني شاطر ومتفوق بس يجي قبل الامتحانات كل مرة يشتكي من ان عنده مغص في بطنه .. اخساس بالقيء او الصداع ..او يبقى بينام كثير وبيعيط كثير ومش عاوز يفتح كتاب .. ده اكيد محسود ..
الامتحانات عادة بتكون مرتبطة بالقلق .. يا اما لان الواحد بيكون عاوز يتفوق وينجح عشان عاوز يدخل كلية كويسة او غالبا بيكون عشان يرضي باباه ومامته .. الي دائما بيطلبوا منه انه يذاكر عشان يشرفهم .. عشان يفتخروا بيه .. عشان يجيبوله هدية
او على الجانب الثاني بيذاكر عشان خايف من العقاب لو ماجابش مجموع كويس .. وبيكون عاوز يهرب من تأنيب الاسرة
هو الي طلع الاول احسن منك في ايه
انت ناقص درجة ونص في الشهادة ؟؟؟؟
ليه .. هو احنا قصرنا معاك في ايه ..
طيب عقابا ليك مفيش كذا وكذا ..
هنا الاسرة دي عملت كارثة بمعنى الكلمة
دي اسرة وسواسية .. بتهتم بالكمال .. والكمال لله وحده .. هنا الاسرة ماشافتش مجهود الطالب ولا تعبه .. ابنهم جايب ٩٨% ده فاشل .. فيعملوا ايه في الطالب
لما يجي يدخل الامتحان ثاني مرة .. اخبار ثقته بنفسه ايه !!
يدخل قلقان وخايف من الفشل .. القلق ده يعمل فيه ايه !!
القلق بيمسح العقل ويشل التفكير بمعنى الكلمة .. يدخل الطالب واول ما يمسك ورقة الامتحان .. ينسى كل حاجة .. ويبذل مجهود كبير عشان يفتكر .. وتحصيله يقل
ناس ثانية نتيجة القلق قبل الامتحان باسبوعين او شهر
يكون عندهم حالة من الاكتئاب .. الاسرة تشتكي من انه بينام كثير .. مزاجه سيء .. بيكون عصبي .. مش عاوز يفتح كتاب
او انه ليلة الامتحان يكون عنده ارق .. مايعرفش ينام ويروح الامتحان من غير نوم .. مايعرفش ياكل قبل الامتحان لانه بيكون عنده شعور بالقيء او يكون عنده الام في المعدة
لا توجد تعليقات