انا عصبية وطول الوقت مضغوطة ومش عارفة ازاي اتخلص من الضغوط
بنتعرض لضغوط كثير في حياتنا
ضغوط في البيت والشغل .. ضغوط مادية .. زن الاولاد .. مشاكل صحية ..
بحس اني زي القنبلة الي حتنفجر في اي وقت ومش عارفة ازاي اتخلص من الضغوط دي
مبدئيا .. لازم نعرف ان الضغوط مش بتخلص ولا نقدر نتخلص منها تماما بس احنا نقدر نقلل منها ونتعامل معاها بشكل افضل يقلل من تأثيرها علينا
اولا .. اتعلم / اتعلمي انك تفرغ الهموم أول بأول .. لأن الكبت يولد الانفجار .. اتعرضت لموقف مع زميل ليك في الشغل .. بدل ماتفهم الموضوع غلط وتبني عليه .. اسئله انت كنت تقصد ايه ؟.
لان مشاكل كثير بتحصل في حياتنا بتكون بسبب ادراكنا الخاطئ للموقف .. لما يوضح الشخص موقفه نتفاجئ ان المشكلة كانت في فهمنا احنا للموقف .. فهمنا غلط
كده نقلل من مصدر للضغط
حاجة ثانية .. استخدام التفكير العقلاني بدل من الانفعالي
يعني ما تخدش قرار وانت منفعل .. سيب نفسك لحد ما تهدى وبعدين خد وقت للتفكير في حلول مختلفة للمشكلة .. مش حل واحد
ثالثا .. استخدام اساليب للتخلص من الضغوط
انا عصبي .. بدل ما ازعق واخبط واكسر
نستخدم اساليب للتهدئة
زي مثلا .. تمارين التنفس الاسترخائي فعالة جداا
اني اعمل نشاط مختلف .. اكون عصبي اروح اتكلم مع صديق في موضوع مبهج
او اتفرج على فيديو كوميدي او اغنية بتدخلني في مزاج ايجابي
انزل اتمشى او امارس رياضة
اخد شاور دافئ او بارد
العب بوكسينج
اكتب الموقف الضاغط واتخلص منه
بالطريقة دي اتخلص من الضغوط ومن تاثيرها السلبي عليا
لا توجد تعليقات