نيو لايف سنتر

رسالة الي ذلك المريض اللي راح لكل دكاترة القلب

القلب نوبات الهلع القلق التوتر ذبحة صدرية
رسالة الي ذلك المريض اللي راح لكل دكاترة القلب ... انا مقدر معاناتك
حكاية كتير من المرضي عندي في العيادة و كلها بتيجي بنفس الشكل ... يدخل عليا المريض العيادة ....بنظرة متشككة و قلقة جدا و متوترة جدا ,,, و هو مش مصدق انه ده المكان اللي هيقدر يساعده فعلا ...و يبدأ يحكي 
"من سنتين يا دكتور ...الساعة 3 بالليل ..فجأة حسيت بضربات قلب شديدة جدا ووجع في صدري, وما كنتش قادر اخد نفسي , جريت  علي طول على المستشفي اللي جنبي فيالطوارئ و عملولي رسم القلب و كل الفحوصات بس قالولي ان كل ده كان طبيعي "
ساعتها بكون فهمت التشخيص و لكن بسيبه يكمل للتأكد , و بساله هل تكررت النوبة دي فبيأكدلي إنها اتكررت اكتر من مرة و في اكتر من مناسبة و في كل مرة يروح المستشفي يأكدوله ان كل التحاليل و الاشعات سليمة. و بيكمل كلامه
"و بعد كده رحت لدكتور القلب عملي رسم القلب و رسم القلب بالمجهود و رسم قلب و ضحكة على الشبابيك و بعد ده كله قاللي ان كل التحاليل طبييعية و انه ماعنديش جلطة و لا مشكلة في القلب  . و قاللي اروح لدكتور مخ و اعصاب و طب نفسي 
ارد انا و اقله " و رحت بعدها لدكتور مخ و اعصاب و طب نفسي "
يقلللي و يكمل بكل استنكار 
"لأ طبعا .. سيبته و رحت لأكبر دكاترة القلب و الباطنة اللي في مصر , بس كلهم قالولي  ان ماعنديش حاجة ... برغم ان طول الوقت بيحصلي نفس اللي حصلي ....نفس النوبة و ضربات القلب .. انا مش بيتهيالي انا ده بيحصلي فعلا "
و هنا بكون متفهم جدا الدوامة اللي بيدخل فيها المريض , و هي ان الاطباء فعلا اكتشفوا ان اللي عنده مش حالة ناتجة عن مرض في القلب او الامراض الباطنية و لكنها حالة ناتجة عن مشكلة في الجهاز العصبي المركزي عبارة عن زيادة النشاط بشكل كبير جدا في شكل نوبات , و بتسمي نوبات الهلع او (Panic Attack ) و لذلك محتاجة طبيب المخ و الاعصاب و الطب النفسي لعلاجها  . لأنها فعلا بتسبب اعراض حقيقة للمريض زي ضربات القلب , احساس بالموت , التنفس السريع و مش بيكون ليها مقدمات او اسباب واضحة فتحير المريض جدا , و لكن المشكلة الاكبر ان المريض بيعاني و يفضل يلف على اطباء القلب و مراكز الاشعة و بعد ما يمر زمن كبير مع الاعراض و المشاكل يجيلي المريض بجبل من الاشعات و التحاليل اللي كلها نتايج طبيعية و يكون علاج مجرد قرص او قرصضين ياخدهم في اليوم و ربنا يشفيه و يعافيه .
انا شفت في العيادة الكثير و الكثير من القصص دي و اللي كانت نهايتها بفضل ربنا الشفا و التعافي بمجرد حبة او حبيتين من الدواء السليم و المناسب للحالة , فارجوك ايها المريض اللي بيعاني ده , ما تتأخرش في تشخيص مرضك
رسالة الي ذلك المريض اللي راح لكل دكاترة القلب

رسالة الي ذلك المريض اللي راح لكل دكاترة القلب

فرع المهندسين

فرع مصر الجديدة
