ازاي اتعامل مع غضب ابني

ازاي اتعامل مع غضب ابني

ابني لما يشبط في لعبة في محل الالعاب بيفضل يصرخ ويعيط ويرمي نفسه على الارض وبيحرجني اتعامل معاه ازاي

ازاي اتعامل مع غضب ابني امهات كثير بتشتكي ان ابنها لما يغضب ممكن يضرب نفسه او يخبط راسه في الارض او الحيطة او يرمي الحاجة ويكسرها .. او يشبط في محل الالعاب او السوبر ماركت ويفضح الدنيا تتعاملي ازاي في الحالات دي اولا لازم تعرفي ان الطفل ذكي جداا وبيعرف ازاي ياخد الي هو عاوزه حتى لو الام رافضة ازاااي ؟ لما ابنك يصرخ ويلاقي انك بتوافقي على طلبه لما يعمل كده .. بتخافي على راسه من الخبط .. وغيره هنا بيتعلم انه لما يكون عاوز حاجة وانت ترفضي يعمل السلوك ده فانت تستجيبي لطلبه اولا .. لما يعمل السلوك الغير مرغوب فيه .. قولي بصوت هادي .. انت لو عملت كده انا مش حسمعك .. وفعلا تجاهلي الموقف تماما .. عشان يعرف ان سلوكه مش بيجيب نتيجة لو بيرمي حاجة على الارض او بيضربك .. اقفي وراه واحضنيه عشان تكوني مسيطرة عليه لحد ما يهدى لما يسكت او يهدى اتكلمي معاه بهدوء واتفقي معاه ان السلوك ده مش بيجيب نتيجة وان لو هو عاوز طلب يتناقش معاك وتوصلوا لحل وسط يرضي الطرفين قبل ماتروحي السوبر ماركت اكتبوا ورقة بالطلبات وهو يكتب هو عاوز ايه .. حسب ماتتفقوا مع بعض .. يختار حاجة او اثنين .. وبلغيه انه مش مسموح باكثر من كده حيجي في السوبرماركت ويصرخ .. بلغيه انه لو فضل يصرخ مش حتجيبي حاجة خالص وامشي كام خطوة قدامه كانك ماشية وسايباه ووقتها هو حيجري وراك استمر في الصراخ وماسكتش .. حترجعي فعلا الي هو اختاره وتحضنيه وتخرجي بيه وتفهميه انه نتيجة سلوكه الغلط .. هو خسر كل الطلبات