ابني بيسرق اتعامل معاه ازاي

ابني بيسرق اتعامل معاه ازاي

امهات كثير بتقلق من فكرة ان ابنها ياخد فلوس من البيت او ياخد لعبة من المحل وهو خارج .. وبتكون عاوزة تعرف ابنها بيعمل كده ليه وتتعامل معاه ازاي

ابني بيسرق اتعامل معاه ازاي اوقات تيجي الام تشتكي وتقول ابني بيسرق .. ازاي يعمل كده .. ده انا مش بحرمه من حاجة .. ومتربي .. هنا الحكاية حتختلف حسب عمر الطفل الطفل الصغير في مرحلة ابتدائي وبلاش نسمي سلوكه سرقة .. هو اما انه متعود ان كل حاجة في البيت بتاعته .. وما اتعلمش فكرة الخصوصية .. فأي حاجة تعجبه بياخدها زي ما اتعود في البيت او انه حد من اصحابه في المدرسة طلب منه فلوس وقاله هات من البيت من غير ما حد يعرف او انه مش بيعرف يصاحب .. فبيضطر ياخد فلوس من البيت عشان يعزم اصحابه عشان يرضوا يلعبوا معاه او السرقة تكون نوع من العدوان على الاسرة لانه متضايق منهم وعاوز يضايقهم في العمر الكبير يا اما تكون بسبب انه برده محتاج يصرف على اصحابه او عاوز يظهر قدام اصحابه بشكل كويس .. ان معاه فلوس وانه مش اقل منهم او ممكن يكون بيشتري سجائر او مخدرات او في نوع من السرقة اسمها سرقة قهرية الواحد بيسرق حاجات هو مش محتاج ليها .. بس الاضطراب بيجبره انه ياخد الحاجة وبعد كده ممكن مايستخدمهاش ويرميها مهم نعرف سبب السلوك عشان نقدر نعالجه بشكل صحيح