اسباب الطلاق المبكر

اسباب الطلاق المبكر

الفترة الاخيرة بنلاحظ حالات طلاق كثيرة ماكملتش سنة زواج بعد كل التعب والتجهيزات والتكاليف الي بيغرموها والجواز مايكملش سنة .. ياترى المشكلة في مين

بقينا نلاحظ في الفترة الاخيرة ان في بيوت كثير بتنتهي الحياة فيها بالطلاق من قبل ما تبدأ .. ياترى ايه السبب ؟ الحقيقة ان اسباب الزواج الفاشل بتبدا من قبل الزواج .. زوجات كثير بتقول انا من فترة الخطوبة وانا مكنتش عاوزة اكمل بس اسرتي ضغطوا عليا .. او عشان كلام الناس .. او قلت يمكن يتغير .. لكن في الحقيقة محدش بيتغير .. ???? في بنات مش بتاخد وقت كافي في الخطوبة وتتجوز بعد شهرين او ثلاثة و بتكون ملحقتش انها تتعرف على خطيبها او تتخطب فترة طويلة وتكون برده ماتعرفتش على خطيبها .. بتكون فترة خطوبة لكن مفيهاش تفاعل وفي بنات ماتعرفش ايه مواصفات شريك حياتها عشان تعرف اذا المواصفات دي مناسبة ليها ولا لا ومش عاوزين طول الوقت نظلم البنت احيانا بيكون الزوج عصبي .. مش متحمل المسئولية .. متدلع في بيت اسرته ومنتظر زوجته تعامله زي ما كانت مامته بتعامله .. او يكون مدمن مخدرات .. او يكون عمره صغير ومايعرفش يتعامل باحتواء او حكمة .. او يكون شخص معندوش شخصية وباباه ومامته متحكمين في حياته حتى بعد الزواج كل دي اسباب تسبب فشل الزواج من اول سنة