انا ضحية

انا ضحية

انا ما اخترتش ده بابا الي اختار .. جوزي هو الي اخد القرار .. انا ضحية الظروف .. بس ياترى انت ضحية فعلا ولا انت برده مسئول ؟!!

انا ضحية من الالعاب الي ناس كثير بتلعبها في الحياة هو دور الضحية يعني ايه الكلام ده ؟ الانسان لما بيختار ويطلع قراره صح بيكون مبسوط ويقول ده اختياري .. طيب لو اختار وكلع قراره غلط .. هنا حيكون هو المسئول برده والناس حتلومه او حيكون خايف من النقد .. فيجي يلعب لعبة حلوة قوي لعبة الضحية بيلعبها ازاي ؟ يجي يقول انا مش حختار .. بابا يختار .. زوجي ياخد القرار .. وانا اسمع كلامهم وامشي وراهم .. عشان لو القرار طلع غلط وقتها ما اتحملش المسئولية واقول .. انا ضحية .. بابا هو الي قرر .. زوجي هو الي اختار لكن هنا انت برده مسئول مش ضحية ؟ ازاااي ؟ ما هو انت اخترت انك تكون سلبي .. اخترت انك تمشي وراهم .. اخترت انك ماتخترش فلما تمشي وراهم وتقول هما الي اختاروا .. حيكون الرد وانت وافقت ليه .. انت ما رفضتش ليه يبقى هنا برده انت مسئول الناس بتخاف انها تغلط .. مع ان كل بني ادم خطاء .. اغلط واتعلم من غلطك .. واتحمل مسئولية قراراتك