نيو لايف سنتر

عقاب الابناء

ابني عنيد .. عصبي .. مش بيسمع الكلام اعاقبه ازاي
عقاب الابناء 

من المواضيع المهمة الي بتشغل كثير من الامهات .. ازاي اعاقب ابني ؟!! 

بس الغريب ان الام بتفكر ازاي اعاقب ابني مش ازاي اغير سلوك ابني !! 

او 

ازاي اعلم ابني يتصرف صح ؟

صحيح ان العقاب احيانا بيكون سلوك مطلوب وضروري .. بس الاهم منه تعليم الابن ازاي يتصرف بشكل صحيح 

لان الام بتعمل ايه ؟ 

ابنها غلط .. عاقبته .. الولد كرر الغلط .. رجعت عاقبته ثاني .. وشايفه ان الولد مش بيفرق معاه العقاب ومفيش حاجة جايبة معاه نتيجة .. 

وتيجي الام تقول انا عاقبت ابني بكل الطرق ومافيش فايدة 

الفكرة انها لما عاقبته ما قلتش هو انعاقب ليه .. او ماقلتش يعمل ايه صح 

مثلا ابني مش بيركز وقت المذاكرة .. ضربته وقالت له ركز .. بس معلمتهوش يركز ازاي .. فالولد مش عارف هو مطلوب منه يعمل ايه

الولد مبهدل اوضته .. عاقبته .. بس معلمتهوش اهمية النظام والترتيب 

طيب امتى نعاقب اولادنا ؟ 

لان في امهات بتيجي تقول انا مش بعاقب خالص .. 

نقولها ده برده غلط .. الولد مش حيكون في ضوابط على سلوكه 

طيب نعمل ايه ؟ 

اولا .. لما ابني يتصرف غلط .. اول حاجة اعلمه ان سلوكه ده غلط واعلمه ازاي يتصرف صح 

ثانيا كرر الغلط .. افكره بالسلوك الي اتعلمناه .. واوضح له ان السلوك لو اتكرر ثاني حيبقى في عقاب 

ثالثا ابني بيكرر نفس السلوك 
يبقى في عقاب بسيط مناسب لحجم الخطأ 

ماينفعش يبقى ابني عمل سلوك بسيط مثلا كسر كباية 

تلاقي الام تسحب الموبايل وتقفل التلفزيون وتمنعه من الخروج وتضربه 

لما تعمل كل ده على موقف بسيط .. لما يعمل موقف كبير حتعاقبه ازاي ؟!! 

المهم عندنا نعلم الابن السلوك الصحيح مش اننا نطلع غيظنا وتعب الشغل وضغطه على ابننا وخلاص 

مهم نلاحظ جدااا احنا بنعاقب ابننا على غلطه ولا انا مضغوطه وبطلع غضبي على ابني
عقاب الابناء

عقاب الابناء

فرع المهندسين

فرع مصر الجديدة
