التبول اللا ارادي عند الاطفال

التبول اللا ارادي عند الاطفال

ابني عنده ٩ سنين وبيعمل على نفسه وهو نايم .. هو نومه ثقيل وبيكسل يصحى من النوم .. اتصرف ازاي ؟

التبول اللا ارادي عند الاطفال امتى نقول ان الطفل عنده تبول لا ارادي؟ من سنتين لعمر 5 سنبن دي المرحلة الي الطفل بيتدرب فيها على التحكم في عضلاته وضبط التبول .. صحيح ان الطفل بيتحكم على عمر سنتين او سنتين ونص خسب ما يتم تدريبه .. لكن ممكن يحصل انه يفقد التحكم في مرة وهو نايم .. ده طبيعي امتى يكون عندنا مشكلة ؟ لما الطفل يكون اكبر من 5 سنين ويكون اتدرب على ضبط التبول ونلاقي الطفل بيعمل على نفسه وهو نايم طيب ده معناه ايه ؟ هل الطفل بيستسهل .. ده احتمال لكن الاحتمال الاكبر انه عنده مشكلة التبول اللاارادي طيب اتعامل ازاي مع ابني في الحالة دي ؟ في امهات بتفضح ابنها وسط اخواته وممكن يكون وسط عائلته كمان ودي مصيبة كبيرة الصح انها اولا تحاول تعرف سبب المشكلة هل ابنها بيعاني من ضغوط نفسية في البيت زي خلافات اسرية مستمرة .. او احد الابوين بيتعامل معاه بعصبية .. او الطفل عنده مشكلة في المدرسة .. اي مشكلة تسبب للطفل حالة من القلق ممكن تكون هي السبب .. حتى لو الطفل شاف فيلم رعب في احتمال ثاني ان الطفل يكون مصاب بزيادة كهرباء المخ .. الكهرباء بتعمل ارتخاء في العضلات فلو كان نايم والمثانة ممتلئة ده ممكن يعمل تبول لا ارادي سواء للاطفال او الكبار طيب نتعامل ازاي مع الطفل ؟ اولا نتعرف على سبب المشكلة باللجوء لطبيب مسالك بولية اولا للتأكد من الناحية العضوية .. ولو كان الطفل سليم عضويا نزور طبيب نفسي عشان نتعرف على المشكلة ونحلها عمل تدريبات لتقوية المثانة نطلب منه المساعدة في تنضيف السرير وانه يلبس ملابس نظيفة .. نتعامل مع الطفل بهدوء وحب واحتواء ونطمنه ان عنده مشكلة وحناخد علاج ليها عشان نظرته لنفسه .. لان الطفل حيشوف نفسه بشكل سلبي و ده حيأثر على ثقته بنفسه الامتناع عن شرب السوائل خلال فترة الليل وشرب الماء بمقادير بسيطة دخول الحمام قبل النوم لافراغ المثانة بعد ساعتين من نوم الطفل الام تطلب منه الاستيقاظ لدخول الحمام