اضطراب الشخصية الحدية

اضطراب الشخصية الحدية

انا كل حاجة وعكسها .. مبسوطة وحزينة .. عاقلة ومجنونة .. نشيطة وخمولة .. بحب وبكره في نفس الوقت .. مش فاهمة التناقض الي عايشة فيه طول الوقت .. انا مين فيهم !!!

اضطراب الشخصية الحدية او البوردر لاين يعني ايه شخصية حدية ؟ من اسمها حدية يعني على الحدود شوية يكون الشخص عادي وطبيعي وشوية نلاقيه على حدود المرض العصابي زي القلق والاكتئاب والوسواس وشوية ممكن نلاقيه يدخل في اضطرابات عقلية زي الهوس او الفصام الاضطراب ده في الاصل اضطراب في الشخصية .. يعني علاجه بيكون من خلال جلسات نفسية لتعديل الافكار والسلوكيات والمشاعر وتغيير اسلوب الحياة لكن الاضطراب ده احيانا بيكون مصاحب باضطرابات ثانية زي القلق او الاكتئاب او الوسواس .. و اي اضطراب عقلي .. هنا الاضطرابات دي بيتاخد ليها علاج دوائي جنب علاج الشخصية بالجلسات الي عنده شخصية حدية بيكون عنده مجموعة من الاعراض اندفاعي بيتصرف من غير مايفكر ويندم على تصرفاته كثير متهور .. بيحب المغامرة والمخاطرة متقلب مزاجيا يصحى من النوم طبيعي وفجاة يكون غضبان او حاسس بالملل او مكتئب فجأة عنده شعوره عالي بالذنب بيخليه عنده عدوان على نفسه فنلاقيهم بيعملوا Cutting ( عدوان على الذات ) يجرحوا في ايدهم كثير وده بيحسسهم بالراحة النفسية لما يعملوا كده عندهم خوف من الهجر .. ان الي مرتبطين بيه يسبهم فنلاقيهم طول الوقت محتاجين اهتمام بشكل كبير وبيطلبوا تاكيد مستمر من شريك حياتهم انه مش حيسبهم عندهم مشكلة في الثقة بالنفس وانخفاض لتقدير الذات بيشوفوا نفسهم بشكل سيء عندهم ازمة هوية يعني مفيش عندهم خطة لحياتهم ولا عارفين هما عايشين ليه ولا عاوزين ايه من الحياة محتاجين جدا لحد يتقبلهم ويفهمهم ويطمنهم ويتعامل معاهم بصبر لان اضطرابهم ناتج عن سوء المعاملة الي عاشوها في طفولتهم او خلافات اسرية كثيرة او اهمال وبنلاقي الاضطراب عند الاناث بشكل اكبر من الذكور