نيو لايف سنتر

مين محتاج علاج نفسي

ازاي أعرف اني محتاج لجلسات علاج نفسي
العلاج النفسي يقدم لمين ؟ 

مين محتاج علاج نفسي ؟ 

طيب يعني ايه علاج نفسي ؟ و هل اي واحد بيعمل علاج نفسي بياخد ادوية نفسية ؟ 

اسئلة مهمة محتاجة لاجابة عشان الناس تعرف الفرق بين العلاج النفسي و العلاج الدوائي 

هدف العلاج النفسي هو مساعدة الفرد على انه يساعد نفسه .. وانه يسهل عليه انه يتحمل قدر اكبر من المسئولية تجاه افعاله .. و يدعم استقلاليته لا ان يلغيها .

يعني ايه الكلام ده 

وده يوصلنا لمين محتاج علاج نفسي 

العلاج النفسي عبارة عن جلسات .. من خلالها الشخص بيحكي مشكلة واجهته 

المشكلة دي ممكن تكون ليها علاقة بشخصيته

زي انا معنديش ثقة بنفسي .. انا بكره نفسي وبكره كل حاجة حواليا .. انا مش سعيد .. انا مش عارف انجح في حاجة .. انا فاشل 

وممكن المشكلة تكون ليها علاقة باسرته
 
زي اسرتي مش قادرة تفهمني .. اسرتي بتحبطني دايما .. مفيش حاجة عجباهم .. طول الوقت ينتقدوني ويقارنو بيني وبين اصحابي .. او اسرتي متسلطة وعاوزني امشي على مزاجهم في كل حاجة 

ممكن المشكلة تكون ليها علاقة بالاصدقاء 
مش عارف يكون اصدقاء او مش عارف يندمج معاهم او انه بيحس انه مرفوض او حد بيستقوى عليه وياذيه 

ممكن المشكلة في العمل 
مش عارف اطور نفسي .. زملائي بيتفوقو عليا .. عندي مشكلة مع المدير 

او تكون المشكلة في العلاقات الاجتماعية 
مش بعرف اكون واقف في مكان فيه ناس كثير .. بحس ان الناس كلهم بيبصو عليا 
لما اكون في مكان زحمة مش بعرف اتكلم .. وشي بيحمر .. مش بعرف اتنفس كويس .. بكون عاوز اسيب المكان وامشي 
وممكن نفس المشكلة دي تكون داخل فصل دراسي في مدرسة او جامعة 

ممكن تكون المشكلة مع الزوجة او الابناء 
البيت دائما فيه مشكلة وكئيب .. مش دي الحياة الي كنت اتمناها 
شريك حياتي مش فاهمني .. دائما ينتقدني .. مش عاجبه الحياة معايا 

او تكون المشكلة في تربية الاولاد .. او ان الاطفال عندهم مشاكل في الانتباه والتحصيل الدراسي 
او مشاكل سلوكية .. عند .. عصبية .. تمرد ..او مشاكل نفسية زي تلعثم .. تبول لا ارادي .. فرط حركة او كسل وخمول ومزاج متقلب او حزين 

طول الوقت ده احنا بنتكلم عن مشاكل سلوكية كلها محتاجة تدخل نفسي .. من خلال جلسات علاج نفسي كلامية .. عشان نتعرف على سبب المشكلة .. نتعرف على اسلوب التفكير .. ونشتغل على اكتشاف افكارنا الغلط الغير منطقية ونعدلها بافكار ثانية ايجابية .. 

تعديل الافكار حيعمل تعديل لانفعالتنا وسلوكياتنا 

بدل ما اقول .. ابني بنادي عليه 10 مرات عشان يرد عليا .. ابني ده بيطنش او بيستهبل .. دي الفكرة 
الانفعال .. الغضب .. السلوك .. اتخانق مع ابني 

تعديل الفكرة .. ابني ممكن يكون مش منتبه اصلا .. عنده تشتت انتباه .. هو مش مركز ولا سامعني .. بس لما اكرر الكلام كذا مرة .. في الاخر ينتبه و يرد .. دي الفكرة .. انفعال الام وقتها .. حيكون التفهم والقبول .. السلوك .. تروح تقف قدام ابنها .. تخلي في تواصل بصري بينهم عشان تتاكد من انه منتبه .. تطلب منه السلوك المطلوب بهدوء .. الطفل حيستجيب 

لحد هنا احنا مش محتاجين ادوية 

بنحتاج ادوية لما المريض بيكون عنده سلوك وصل لدرجة مرضية زائدة عن الطبيعي .. كلنا بنكون عندنا قلق في مواقف .. بس مع نهاية الموقف بينتهي القلق .. لكن لو الموقف انتهى والقلق مستمر لفترة طويلة هنا محتاجين زيارة طبيب نفسي لتقييم الحالة وصرف علاج مناسب 

ونفس الحكاية مع الاكتئاب او الاضطرابات النفسية المختلفة .. بتحتاج لتدخل دوائي وجلسات علاج نفسي الاثنين مع بعض
مين محتاج علاج نفسي

مين محتاج علاج نفسي

فرع المهندسين

فرع مصر الجديدة
