اكتئاب الشتاء

اكتئاب الشتاء

مع تغير الفصول بيحصل لكثير من الناس تغيرات في الحالة المزاجية، فنلاقي الناس بتميل للخمول والكسل، مزاج حزين أو عصبية وسرعة استثارة، رغبة في أكل السكريات بشكل كبير، ده الي بيميز نوع من الاكتئاب اسمه اضراب العاطفة الموسمي أو اكتئاب الشتاء.

اكتئاب الشتاء مع بداية الخريف وغياب الشمس في ناس بنلاقي مزجهم بيتغيرـ بيبقى عندهم احساس بالكسل ، مش عاوزين يخرجوا من البيت، عاوزين يناموا ساعات ططويلة من اليوم، مزاجهم بيكون حزين او بيتعصبوا بسرعة، وممكن نلاقيهم كمان عاوزين يأكلوا حلويات أو سكريات كثير، نلاقيهم بيميلوا للشوكولاته أكثر من أي وقت، وده بيحصل لهم مع تغير الفصول بس مش في كل الاوقات. ده اسمه اضططراب العاطفة الموسمي أو اكتئاب الشتاء وده بيحصل لناس كثير وبيكون حاجة ططبيعية لكن بنعتبره نوع من الاضططراب لما يكون عندنا مجموعة من الصفات الي بتكون موجودة مع بعضها زي: 1- ان المشكلة دي بتظهر في فصل الخريف وتستمر لفصل الشتاء ويكون ده مش بيحصل غير في الوقت ده بس مش ططول السنة . 2- ان المشكلة دي بتتكرر مع الشخص كل سنة بشكل منتظم 3- ان المشكلة بتعطل حياة المريض وتخليه مش عاوز يقابل حد ولا يخرج ولا يروح الشغل ولا يلعب مع اولاده ولا يعمل اي نشاط كان بيعمله قبل كده وبيكون مش عارف يستمتع باي حاجة الفترة دي . 4- بيكون عند المريض شعور بالضيق والملل طول الوقت، اضطراب في النوم وأحيانا افكار الانتحارية. طيب نعمل ايه في الوقت ده عشان نتخلص من اكتئاب الشتاء علاج الاكتئاب بشكل عام بيكون من خلال العلاج الدوائي و جلسات العلاج المعرفي السلوكي ، لكن في حالة اكتئاب الشتاء بالاضافة لعلاج الاكتئاب بنكون محتاجين جدا ان المريض يتعرض لاشعة الشمس لان حالة الاكتئاب عنده سببها غياب الشمس، التعرض للشمس حيخلي الجسم يفرز هرمون السيروتونين المسئول عن السعادة. 2-ممارسة الرياضة وعدم الاستسلام للخمول. 3-المحافظة على وجبات غذائية منتظمة صحية تحتوي على الفواكه والخضروات والابتعاد عن الشوكولاتة والسكريات. 4- ممارسة تمارين التنفس الاسترخائي الي تساعد على الشعور بالراحة النفسية. 5- الخروج من البيت و مقابلة الأصدقاء .