نيو لايف سنتر

شكرًا توم كروز...

الطب النفسي الفصام
شكرًا  توم كروز...
"شكرًا ، توم كروز ، على مشورتكم الخبيرة بشأن الصحة العقلية.فقد ماتت المسكينة ايلي على يد ابنها الفصامي الذي طلبت منها أن تتعامل معه بالفيتامينات بدلا من الرعاية النفسية السليمة"
ده كان الاعلان المنشور في جريدة لوس انجلوس الاسبوعية في مارس 2006 , و اللي ما يعرفش القصة زي ما هي كانت واضحة في الاعلان ده كده, توم كروز الممثل الرائع هو واحد من اكتر المناهضين و المضادين لعلم الطب النفسي و بيقول انه علم غير محدد و مالوش اي شيء ثابت و ما فيش اي اثبات عليه , و بيتباهي بنصحه للناس بترك الدواء النفسي و الاكتفاء بالفيتامينات , و ده كانت نصيحته اللوذعية للأم المسكينة "ايلي" انها تدي ابنها اللي عنده فصام عقلي فيتامينات بدل الدوا النفسي اللي ممكن يساعده , لغاية ما تطورت حالة الابن جدا و قتلها . 
على ضوء طبعا الموجات اللي بيتعرض ليها الطب النفسي من هجوم و التي كانت اخرها حلقة على الفيس بوك بتتكلم على فكرة ان الطب النفسي طب مش مفهوم و غير ثابت او علمي , بل انك ممكن تخدع الطبيب النفسي بأي اعراض كمان و مش هيعرف عشان مافيش ثوابت علمية في هذا العلم ( برغم ان فريق العمل نزل اعتذار و توضيح ان ده ما كانش قصده من الحلقة و ده شيء يحترم منهم )
- طبعا الطب النفسي زي باقي فروع الطب 
- نسبة الامراض فيه ممكن تكون مش معروف اسبابها .. بالظبط زي باقي فروع الطب 
- و فيه اكيد اختلافات و تغيرات في شكل الاعراض ... زي باقي  فروع الطب
- ده غير طبعا انه مافيهوش ثوابت او اشياء محددة عشان كده محتاج طول الوقت رأي طبيب خبير في الطب النفسي .... زي باقي فروع الطب.
- و طبعا فيه نسبة اضطرابات مزمنة و طويلة الامد... زي باقي فروع الطب.
- المشكلة بقى ان الادوية النفسية ليها اعراض جانبية خطيرة .... زي باقي الادوية في فروع الطب.
- و ده يقول ان اللي لازم يشخص يكون دكتور دارس ...زي باقي فروع الطب.
- و المختلف بقي فيه ان التحاليل و الاشعات مش ثابته هي مجرد عوامل مساعدة للطبيب النفسي ....زي باقي فروع الطب
- المرض بقي في الطب النفسي ليه أعراض و علامات و مضاعفات و علاج ...زي باقي فروع الطب.
- المريض في الطب النفسي لو كدب على الدكتور و قاله اعراض مختلفة غير اللي بيعاني منها ,الدكتور مش هيعرف يشخصه صح و غالبا هيغلط في تشخيصه.....زي باقي فروع الطب.
- بس تعرف .. الحلو ان الطب فيه نسب شفاء و تعافي من المرض ... ساعات كتير بتكون أعلي من باقي فروع الطب المختلفة.
شكرًا توم كروز...

شكرًا توم كروز...

فرع المهندسين

فرع مصر الجديدة
